Txistulariak

   1. Txistua / Zuzendaria: Garikoitz Mendizabal Etxeberria
   Txistularia: Idoia Kareaga Gómez
   Txistularia: Gorka Zabaleta Agirre
   Txistularia: Sabin Bikandi Belandia
   Atabala: Asier García Artetxe

Zestoa, 1973
web-orrialdea: www.garikoitzmendizabal.com

Azpeitiako "Izarraitz" txistulari taldeko zuzendaria, Elgoibarreko dultzainero taldeko eta "Izturi" folk taldeko kidea. "Aukeran" dantza taldeko albokaria izan da. 2002an Errenteriako Txistulari Banden Lehiaketako lehen saria lortu zuen Gasteizko Txistularien Udal Bandarekin. Bakarlari modura ETBko hainbat programatan aritu izan da eta Euskal Herriko Txistularien Lehiaketako lehen saria eskuratu zuen 1994an eta 1996an, eta bigarren saria irabazi zuen 2002an.

Grabaketa askoren artean, hauek dira nabarmentzekoak: "Onraita Berriro", Gasteizko Txistularien Udal Bandarekin; "Pozaldi", Musika Banda eta Txistulari Bandarako musikaren bilduma, "Gibantzar" Bandarekin grabatuta eta Juanjo Ocón-ek zuzenduta; Jose Mari Gurrutxaga "Txokolo" txistulariaren musikaren bilduma, Azpeitiko "Izarraitz" taldearekin. Era berean, "Yoyes" filmaren soinu bandaren grabaketan hartu zuen parte.

Gasteizko Txistularien Udal Bandako zuzendaria izan da 1997tik 2002ra. 2003an Donostiako Udal Bandako silbotea izan zen. Gainera, Azkoitiko "Bizkargi" Musika Eskolako Txistu, Dultzaina eta Alboka irakaslea izan zen. 2004ko urtarriletik Bilboko Txistularien Udal Banda zuzentzen du. Euskal Herriko Txistularien Elkarteko presidentea da 2003tik.

Bilbao, 1970
Bilboko Txistularien Udal Bandako partaide izan baino lehen hainbat jarduera egin ditu: Barakaldoko Udal Bandako eta "Laukote Berria" (gero "Askiria") Txistu Laukoteko kidea izan da, bai eta Gasteizko Txistularien Udal Bandako kidea ere. Berziztu Txistuzale Elkarteko presidentea izan da fundatu zenetik 2001era arte. Pedagogo eta irakasle lanei dagokienez, Barakaldoko "Hala Dzipo" Musika Tradizionaleko Eskolako koordinatzaile izan da. Gainera, txistu irakasle izan da musika eskola askotan eta Gasteizko Udal Folklore Akademian.

Azkoitia, 1977
Instrumentista modura, Donostiako Udal Bandarekin eta Errenteriako Udal Bandarekin egin du lan. Azkoitiko Txistularien Udal Bandako kide eta Txalkor eta Izarraitz txistularien bandetako kide izan da, bai eta Sahatsa, Itsasi eta Itxaropena dantza taldeetako kidea ere. Lehiaketa askotan hartu du parte: Billabonan 2002an txistulari bakarlarientzako egindako lehiaketan 4. saria lortu zuen; zuzendari lanetan, urte berean Errenteriako txistu banden lehiaketan 2. saria eskuratu zuen. Azpeitiko Juan de Antxieta Musika Eskolako txistu irakaslea izan da 2000. urtetik. 2004ko urtarrilean Bilboko Udal Bandako kide lanetan hasi da

Galdakao, 1965
Donostiako Kontserbatorioko goi-mailaren amaierako ohorezko saria eta Bilboko Kontserbatorioko ohorezko aipamena ganberamusikan. 1995ean Londresera joan zen graduatuondoko ikasketak amaitzera. 1996an Etnomusikologiako Masterra amaitu zuen Goldsmiths Collegen. Irakasle aritu izan da zenbait ikastetxe, eta interprete moduan aipatzekoa da Axlor taldeko kide moduan egindako lana, Bilboko Udal Bandako txistulari moduan egindako eta Aiko taldearen kidea.

Areatza, 1976
Bilboko Txistularien Udal Bandako atabalaria da 1999tik. Areatzako Musika Bandako perkusio bakarlaria 1996tik. Talde ugarirekin aritzen da lankidetzan: Euskadiko Orkestra Sinfonikoa, Euskadiko Gazte Orkestra, Bilboko Udal Banda, Arantzarte dantza taldea, etab.

2000. urtetik aurrera "Perkustra" perkusio-taldeko kidea da eta estatuko eta atzerriko hainbat jaialditan hartu du parte. Manel Ramada, Robert Van Sice, Leigh Howard Stevens, Nick Petrella, Angel Frete, Joaquín Carrascosa, Gustavo Jimeno edo Igor Lesniken mailako perkusionistekin ikasi du.