Eskola

Pedagogi Plan Orokorra

• Helburu orokorrak
• Hezkuntza eskaintza
1. Espezialitateak - Musika Tresnak
2. Osagarrizko ikasgaiak
3. Zentroak
• Irakaskuntzaren antolamendua
1. 2. Maila (1. - 4. kurtsoak)
2. 3. Maila (5. - 8. kurtsoak)
3. 4. Maila
• Prestakuntza arloko beste jarduera batzuk

Musika Eskolen jarduera arautzen duen Eusko Jaurlaritzaren Dekretuak dio irakaskuntza hau musikagintza bera helburu dela hori egin nahi duten pertsonentzat, adin mugarik gabe: hasiera batean, lanbiderako izango denik barik, musika egin nahi dutenentzat dela. Honela jarraitzen du testuak: Musika-eskolen helburu nagusia da edozein adinetako zaletuei tradizioan oinarritutako dantza eta musikaren alorretan prestakuntza praktikoa ematea, gaitasun eta bokazio berezia erakusten dituztenak lanbide-ikasketarako bideratzeko eta prestatzeko zeregina alde batera utzi gabe.

Azkenik, Musika Eskolen helburuak azaltzen ditu; hemen idatziko ditugu hitzez hitz:

• Gizarteak luze-zabal eskatzen duen musika-kultura praktikoari erantzuteko dira, hain zuzen musikazaleak horren bidez bere burua hobetzea eta bere kultura eta adierazpidearen altxorra handitzea bilatzen baitu, bere buruarekin eta inguruarekin oreka haundiagoa izateko.
• Arautu gabeko eta funts-funtsean praktikoa den musika-irakaskuntza eskaintzeko dira, batez ere taldekako musika egin ahal izateko.
• Ondorioz, ikaslearen partaidetza eragilea sustatu behar da batetik, bai bakar-lanean eta bai taldean, eta bestetik ikastetxearen eta berau errotuta dagoen gizartearen arteko loturak. Norberarengan hasi eta, gizartera hedatu gabe, bertan amaitzen den ikasketak galdu egiten ditu ikasketak egiteko dauden arrazoi batzuk.
• Musika kontuak orokorrago ulertu ahal izateko ezinbesteko diren gutxienezko gai teorikoak emango dira, eta hasteko behintzat, ikasleak gaiak sakonago jakiteko premia duen heinean berak horrela eska dezanean emango ere.
• Adina kontuan izan gabe eskainiko da zerbitzu hori, hasi haurretan eta zaharrak barne.
• Musika-jardueren artean dauden aukera guztiak eskaintzea: musika klasikoa, antzinakoa, modernoa, tradizioan oinarritutakoa, herrikoia, joera desberdinetakoa, rocka, jazza, elektronikazko musika, e.a.
• Irakaskuntzako egitarauak ikaslearen interesari, emanari eta martxari egokitu zaizkie, baina, ikasleek ere, beroiek jasotzen dituzten irakaskuntzei probetxu egokia ateratzeko gutxienezko baldintzak bete behar dituztela ahaztu gabe. Azken batean, euren eskaintzaren plana egiterakoan askatasuna eta autonomia daukate, ikaslearen interes eta gaitasunetara hobeto egokitzeko.
• Estilo guztietako musikak entzuteko gogoa indartzea eta kritikarako gaitasuna garatzea, bai ikasleengan eta bai herritarrengan.
• Irakaskuntzako tekniken hobekuntza sustatzea, irakasleak eten gabe hobetuz eta egunean jarriaz.
• Euren gaitasuna eta interesa direnak direlako, araututako irakaskuntzetara sartzeko baldintzak bete eta asmoa agertzen duten ikasleei prestakuntza sakonagoa bideratzea eta ematea, mintegi hauetatik sortutako ikasle gogotsu eta gaituez hornituko baitira araututako musika-irakaskuntzetarako ikastetxeak.
• Herriko eta eskualdeko musika-tradizioak bildu, tajutu eta zabaltzea, ikastetxea kokatuta dagoen herriko kultura-nortasunaren gune bilakatuz.
• Beste Musika-eskolekin lankidetzan aritzea, Herrialdean, Euskadin, Espainian eta Europan, irakaskuntza metodologiak, ikasleak eta irakasleak elkarren artean trukatzeko, jarduera batzuk batera egiteko, antolaketa eta jardutzeko ereduen berri elkarri emateko, e.a.
• Herriko musika-kulturan eragin baikorra izatea, ez bakarrik ikasleen prestakuntza lortuaz, baizik eta musika-taldeen jendaurreko etengabeko jarduera bidez gizartean musika zabaltzeko zuzeneko ekintzak landuz.

Eskolako hezkuntza-eskaintzaren barruan Musika eskoletako 2., 3. eta 4. mailak sartzen dira eta dekretu arau-emailean (289/1992 Dekretua, urriaren 27koa, Euskal Autonomia Erkidegoko musika eskolak sortzeko eta funtzionamendurako oinarrizko arauak ezartzen dituena) adierazitako adar guztiak: kantuko adarra, musika instrumental sinfonikoaren adarra, musika instrumental eta dantza tradizionaleko adarra, hainbat joeratako adarra: jazza, rocka, popa, musika elektronikoa, eta instrumentu polifonikoen adarra
Gure eskolan ikasten hasteko gutxienez zortzi urte izan behar dira (edo zazpi, ikasturtea hasten den urtean zortzi egiteko), horixe baita 2. maila hasteko ezarrita dagoena. Orduan hasten da instrumentua eta musika hizkuntza ikasten. Lehen maila, edo kontaktuzkoa, 4 eta 7 urte bitarteko umeentzako prestakuntza, ez da gure eskolan ematen.

Espezialitateak - Musika Tresnak

Ikasle guztiek daukaten espezialitate instrumental bat, eta bakarra da. Eskari handia eta gure eskaintza mugatua kontuan hartuta, ikasle bakoitzari instrumentu bat ikasteko aukera baino ezin diogu eman.
Hauek dira eskolak ikasi daitezkeen espezialitateak:

Osagarrizko Ikasgaiak

   Analisia
Ikasgai honen helburua musikaren ezagutzan sakontzea da, bere elementuak aztertuta: altuera, erritmoa, forma, etab. Era berean, elementu horiek zelan lantzen diren edo zelan landu diren leku eta historiaren une desberdinetan aztertuko da.
   Dantza Tradizionala
   Harmonia eta inprobisazioa
Ikasgai honetan musika hizkuntzaren zenbait arlotan sakontzen da, akordeen eta eskalen azterketa eta euren arteko harremanak, inprobisazioa esaten diogun adierazpen musikalaren arlo hori garatzeko behar diren ezagutzak emateko.
   Musika Hizkuntza
Bere izenak adierazten duen moduan, musikaren hizkuntza ikasten da: bere elementuak, zelan irakurtzen eta idazten den, bere arauak, etab. Gure eskolan derrigorrezkoa da eskaintzen diren lau ikastaroetatik gutxienez bi egitea.
   Informatika musikala
Ikasgai honetan musikariarentzat erabilgarri izan daitezkeen tresna informatikoak erabiltzen ikasten da: partituren editoreak, sekuentziatzaileak, etab. Ikasgaia egiteko beharrezkoa da ordenagailua eta Windows erabiltzeko oinarrizko ezagutzak edukitzea.
   Korua
Koruan parte hartzea ikasle guztien eskura dagoen aukera da. Eskolak zenbait talde antolatzen ditu izena eman duten pertsonen, adinen edo maila musikalaren arabera.
   Tailerrak: inprobisazioa, pandero eta txalaparta
   Talde instrumentala
Taldeko musika praktikatzeko ezarri den ikasgaia da. Talde mota desberdinak daude: Akordeoi-taldea, banda, gitarra-taldea, konboa, orkestra, piano jo lau eskuz, txistu taldea ... Eskolak banatuko ditu ikasleak talde batean edo bestean, jotzen duten instrumentuaren arabera.

Oharra: hurrengo ikasgaietan, analisia, harmonia eta inprobisazioa, informatika musikala, inprobisazio tailerra eta talde instrumentala, aurreko ezaguerak edukitzea beharrezkoa da.

Zentroak

• Galera (Santutxu)
• Pio Baroja H. I. (Txurdinaga)
• Felix Serrano H. I. (Indautxu)
• Deustu H. I. (Deustu)
• Epaltzaren Alarguna H. I. (Campo Volantín)

2. Maila

3. Maila

4. Maila

Instrumentua edo kantua

1º

2º

3º

4º

5º

6º

7º

8º

9º

10º

11º

12º

Koru edo instrumento-taldea

Instrumentu- taldea

Instrumentu-taldea / Ahots taldea

Instrumentu- taldea / Ahots taldea

Korua

Korua

Musika hizkuntza

1º

2º

3º eta 4º

Dantza Tradizionala eta Tailerrak

Dantza Tradizionala (6 kurtso)  -  Pandero (1 kurtso)  -  Txalaparta (1 kurtso)

Harmonia eta inprobisazioa

1º eta 2º

Analisia

1º

Inprobisazio tailerra

kurtso mugarik gabe

Informatika musikala

Hasiera - Finale - Band in a Box - Software musikala librea - Protools

Musikoterapia

kurtso mugarik gabe

2. Maila (1. - 4. kurtsoak)

Honako hauek dira lehenengo zikloko (1. eta 2. kurtsoak) ikasgaiak:
   Instrumentua edo kantua
Nahitaezkoa ikasle guztientzat. Ikasle bakoitzak ordu erdi astean.
   Musika-hizkuntza
Nahitaezkoa ikasle guztientzat. Ikasle bakoitzak ordu eta erdi astean, 10-20 ikasleko taldeetan.
   Korua
Hautazkoa ikasle guztientzat. Ordu bat edo ordu eta erdi astean koru taldearen arabera.
Bigarren zikloko (3. eta 4. kurtsoak) ikasgaiak lehenengo zikloko (1. eta 2. kurtsoak) ikasgai berberak dira eta honako hauek:
   Taldeak
Hautazkoa. Talde txikiak (konboak, ganbera-taldeak...): ordubete astean. Talde handiak (banda, korua, orkestra, dantza...): ordu eta erdi astean.
   Informatika Musikala
Hautazkoa. 5-8 ikasleko taldeak. Ordu bat astean.

3. Maila (5. - 8. kurtsoak)

Honako hauek dira 3. mailako (5., 6., 7. eta 8. kurtsoak) irakasgaiak:
   Instrumentua edo kantua
Nahitaezkoa ikasle guztientzat. Ikasle bakoitzak ordu erdi astean. Irakasleak egoki baderitzo, beste ikasturte batez egon ahalko dira ikasleak zortzigarren kurtsoan 4. mailara sartzeko proba prestatzeko.
   Taldeak
Nahitaezkoa. Talde txikiak (konboak, ganbera-taldeak...): ordubete astean. Talde handiak (banda, korua, orkestra, dantza...): ordu eta erdia astean.
   Harmonia eta inprobisazioa
Hiru Kurtso. Ordu eta erdi astean, 10-20 ikasleko taldeetan.
   Analisia
Kurtso bat. Hautazkoa ikasle guztientzat. Ordu bat astean, 10-20 ikasleko taldeetan.
   Informatika Musikala
Hautazkoa ikasle guztientzat. 5-8 ikasleko taldeak. Ordu eta erdi astean
   Korua
Hautazkoa ikasle guztientzat. Ordu bat edo ordu eta erdi astean koru taldearen arabera.
   3. Mailako Diploma
Diploma honen bidez, 3. mailako ikasketak amaitzean lortutako ezagupenak egiaztatzen dira. Hauek dira diploma lortzeko baldintzak:

1. 4. mailan sartzeko gaitasun-proba gainditzea.
2. Musika-hizkuntzako lehenengo kurtso biak eta talde instrumentaleko lau eginda edukitzea.
3. 8 puntu lortzea, baremo honen arabera:

(*) Derrigorrezko irakasgaiekin ez da punturik biltzen, hau da, musika-hizkuntza kurtso birekin eta talde instrumentaleko 4 kurtsorekin.

» Ez dira kontuan hartuko errepikatutako kurtsoak, arrazoitu gabeko hutsegiteak (6tik gora seihileko batean edo 10 ikasturte osoan) izan direnean edota ikasleak aprobetxamendurik erakutsi ez duenean eskoletan.
» Ikasleak beste zentro musikalen batean egin baditu ikasketak, ikasketa-buruak erabakiko ditu aurkeztutako dokumentazioaren konbalidazioak.

Musika eskolen helburuak kontuan hartuta, instrumentua bigarren eta hirugarren mailetan ikasi ondoren, lortu nahi den gaitasuna lortu behar izan dute ikasleek, nolabaiteko musika jarduera egiteko gai dira eta zenbait taldetan parte hartu dezakete. Hauek dira aukeratu daitezkeen ikasgaiak:

   Instrumentua edo kantua
Hautazkoa. Ikasle bakoitzak ordu erdi astean. Ikasgai honetan matrikulatzeko, ikasleak sartzeko proba gainditu beharko du.
   Taldeak
Nahitaezkoa. Talde txikiak (konboak, ganbera-taldeak...): ordubete astean. Talde handiak (banda, korua, orkestra, dantza...): ordu eta erdia astean.
   Beste irakasgaiak
Beste maila batzuetako hautazko irakasgaiak, oraindik eman gabeak.

BilbaoMusikak jardunaldiak, ikastaroak, mintegiak eta abar antolatuko ditu Prestakuntza Tailerrak izenarekin. Eskolak eskaintzen duen ohiko prestakuntzaren tailer osagarriak eta profesionalentzako tailer bereziak edo bat ere prestakuntza musikalik ez duten eta musikaz gozatu eta era atseginean jardun nahi duten herritarrentzako hastapen-tailerrak izango dira. Tailerren mota, kopurua eta iraupena zehazteko antzemandako premiei eta Eskolak dituen baliabideei begiratuko zaie.