Agenda

Banda Eskola Txistubanda

Agenda 2017 Azaroa


5
Bilboko Udal Musika Bandaren Kontzertua. Batzen gaituen haizea    EUSKALDUNA JAUREGIA AUDITORIOA  12:00
  Zuzendaritza José Rafael Pascual Vilaplana
  Gonbidatua(k): Barcelona Clarinet Players
Alejandro Castilla, Martí Guasteví, Manuel Martinez eta Javier Vilaplana

  ESTETIKAK BATZEN
Musika-lanak: M. Gould, W.F. Mcbeth, J.R. Pascual-Vilaplana*, V. Vallés* eta A.Blanquer. *Estrenaldiak
Askatasunaren eta tolerantziaren ikurra da musika eta hainbat eta era askotako estetiken komunikabidea izan daiteke. Gure kontzertuaren aurreneko zatian, folklore hebrearra da entzungo ditugun hiru obren inspirazio-iturri. 1939an, Morton Gould (New York, 1913-Florida, 1996) musikagile eta zuzendari iparramerikarrak Jericho Rhapsody idatzi zuen, George S. Howard-en eta Pennsylvania School Music Association-en mandatuz. Jazza zein hebrearren kantak konbinatzen dituen estilo eklektikoan, obrak Jeriko hiriaren setioa azaltzen du, Itun Zaharrean deskribatuta dagoen legez. Kaddish esaten zaio hebraieraz hildakoen omenezko otoitzari. W. Francis McBeth (Texas, 1932- Arkansas 2012) amerikar maisu jaunak, Arkansas Symphony-ko zuzendari emeritua zenak, izen hori erabili zuen bere irakasle izan zen James Clifton Williams (1923-1976) musikagile ospetsuaren gomutan idatzitako obran; bertan agertzen da haren Caccia and Chorale. Klarineteen laukoterako eta bandarako Kelarnit obraren erabateko estreinaldiarekin emango diogu amaiera kontzertuaren lehenengo zatiari. Obra honen izenburua (klarinetea, hebraieraz) eta bere konposiziorako materiala ere juduen tradizioan daude oinarrituta. Oraingo honetan, konpositoreak berak zuzenduko du Barcelona Clarinet Players laukotea (obra hau enkargatu duen erreferentziako laukotea) partitura honen estreinaldian.
Kontzertuaren bigarren zatian, berriz, musika garaikidean murgilduko gara, Víctor Vallés Fornet (El Verger, 1984) Valentziako musikagile gazte eta sarritan sarituaren Chemins I. Simfonia per a bombo i plats obraren estreinaldiarekin. Partitura berezi honetan, autoreak Luciano Berioren work in progresa ekarri nahi digu gogora elektroakustikarako obra bereziaren bidez. Bertan, modu metaforikoan gogorarazi nahi digu gela anekoikora sartzean eta bere bihotzaren taupadak eta nerbio-sistemaren soinuak entzutean John Cage-k izan zuen sentsazioa. Musika-banda baten soinu-berrikuntzaren eta ikerkuntzaren ideia honetan, Olivier Messiaen-en ikasle izan zen eta 1962an Erromako Konposizio Saria irabazi zuen Amando Blanquer Ponsoda (Alcoi, 1935 - Valentzia, 2005) maisuak Caleidoscopio idatzi zuen bandarako 1995ean, Uster-eko (Suitza) Internationale Festliche Musiktage-ren enkarguz. Eta musikagile beraren L’Embaixador martxa arabiarrarekin emango diogu amaiera kontzertuari. Autorea Parisen ikasten ari zen garaian idatzitakoa da eta, bertan, tradizioaren eta konpromiso estetikorik prestuenaren arteko lotura nabari da. Estetikak batzen ditugu, banda ikuspegi ugari eta askeetatik ikus dezakeen era askotako publikoarekin partekatzeko asmoz.
José R. Pascual-Vilaplana
6
Txistu Bandarako I. konposizio lehiaketan saritutako obrak    EUSKALDUNA JAUREGIA A3  20:00
7
Ahots Konboaren Kontzertua / Audizioa    ARTEA  19:00
10
Protokoloa: "Oroimenaren Eguna" dela eta lore eskaintza    DOÑA CASILDA PARKEREN PERGOLA  13:00
10
Memoria Egunean BilbaoMusika Gazte Abesbatzaren emanaldia    GOGORA INSTITUTUA - MARÍA DÍAZ DE HARO, 3  17:00
16
Protokoloa: Higikortasun-kazetari-sarien ematea    ARABIAR ARETOA  19:00
19
Bilboko Udal Musika Bandaren Kontzertua. Batzen gaituen haizea    EUSKALDUNA JAUREGIA AUDITORIOA  12:00
  Zuzendaritza Isabelle Ruf-Weber
  GARAIAK ETA GERTAKARIAK
Musika-lanak: M.Gandolfi, Y.Ito, F. Cesarini eta O.Waespi
OHARRAK
Musikak une eta leku zehatzak bete izan ditu historian zehar eta sasoi edo gertakarien ikur bihurtu dira. Gaurko kontzertuan, lehenik eta behin tangoaren historia gogoratuko dugu Michael Gandolfi (1956) maisu eta New England Conservatory of Music ikastetxeko irakaslearen lan batekin. Frank Battisti zuzendari amerikar ospetsuaren 70. urteurrenean, Haizeak eta tangoak (2001) lana dedikatu zion, bere maisua izan baitzen: Juan D’Arienzo, Piazzola edo “disco/techno tango” estiloko abestiak jasotzen dituen soinu-istorioa. Gero, beste bidaia historiko bat egingo dugu Loriatsua (1990) lanarekin. Izan ere, Kakure kirishitan edo kriptokristauen kantuak jasotzen dituen lana da, Frantzisko Xabierkoak ezarritako fedearen erritoak ezkutuan praktikatzen jarraitu baitzuten Edo aroaren (1603-1867) hasieran Tokugawa Shogunate-ren gobernuak debekatu arren. Kantu horiek abesti gregorianoekin nahasten dira, bai eta Japoniako folklorearen tinbrika eta soinu giroekin ere. Yasuhide Ito maisua (Japonia, 1960) herrialde horretako pianista eta zuzendari ospetsuenetako bat da eta konposizioan graduatu zen Tokyo National University of Fine Arts and Music unibertsitatean.
Bigarren zatian Suitzako autoreen lan bi entzungo ditugu. Lehenengoak XX. mendeko 80ko hamarkadan “El misterio de las voces búlgaras” diskoari esker ospetsu egin ziren Bulgariako abesti herrikoiak gogoratzen ditu. Bulgarian Dances-eko bigarren suitea Bulgariako folklorearen hiru abestitan inspiratzen da eta doinuen lirika eta akonpainamenduen erritmo frenetikoa eta konplexua jasotzen ditu. Bere egilea, Franco Cesarini (1961) maisua Luganoko Kontserbatorioko irakaslea da eta Bilboko Udal Bandaren zuzendari gonbidatua izan zen aurreko denboraldian. Azkenik, Bernako Kontserbatorioko irakaslea den Oliver Waespi (1971) maisu suitzarraren eskutik bandarako Divertimento bitxi eta original bat entzungo dugu. Lan horretan lau zati daude, elkarrekin lotuta: Prelude bat obertura klasikoaren itxuran, Meditation bat oboe, adar ingeles eta txirula bakarlarien soinuen bidez, New Orleanseko erritmoak gogoratuko dizkigun Procesion bat, eta Hoedown izeneko amaiera, non Ameriketako estiloko dantza batek bere bizitasunarekin eta birtuosismoarekin liluratuko baitgaitu. Kasualitatez, kontzertuko azken lan biak St. Gallen-eko Eidgenössisches Musikfest jaialdiko 33. edizioaren enkarguz eskatu eta estreinatu ziren 2011n.
Garaiak eta gertakariak musikaren bidez gerturatuko zaizkigu eta betiereko bihurtuko dira.
José R. Pascual-Vilaplana
20
Santa Zeziliako Irakasleen Kontzertua    CAMPOS ELISEOS ARTERIA ANTZOKIA  19:00
21
Santa Zeziliako Ikasleen Kontzertua    LA GALERA  19:00
21
Musikalean. Bsax taldearen kontzertua    PLAZA BARRIA  20:00
22
Protokoloa: Gabriel Arestiren, Miguel de Unamunoren eta Blas de Oteroren Lehiaketen sariak banatzeko ekitaldia    ARABIAR ARETOA  13:00
23
Musikalean. Txistu Kalejira    PLAZA BARRIA  18:00
24
Musikalean. Erromeria    ERRIBERAKO MERKATUA  19:30
25
Santa Zeziliako Txistularien Topaketa    SANTA MARIA ELIZA. ONDARROA  19:00
27
Musika Eskola Solidarioak Kontzertua    LA GALERA. 107 GELA  19:00
27
Ansorenatarren danbolina    EUSKALDUNA JAUREGIA A3  20:00
29
Gabonetako argiak piztean BilbaoMusika Ahots Konboaren emanaldia    BILBOKO UDALA. ERNESTO ERKOREKA PLAZA  20:00
30
Jam Session    HIKA ATENEO  19:30