Agenda


HURRENGO KONTZERTUA

2018/4/24 
 Gitarra Ikasleen Kontzertua / Audizioa   LA GALERA. AUDITORIOA   18.30



Banda Eskola Txistubanda

Agenda 2018 Apirila


5
Api
Protokoloa: James Joyce Elkarteari harrera    ARABIAR ARETOA  19:30
11
Api
Protokoloa: garraioan mantentze-lanetarako jarduanadietan parte-hartzaileei harrera    ARABIAR ARETOA  19:15
12
Api
Protokoloa: 2018ko Osasunaren Munduko Egunaren dela eta harrera    ARABIAR ARETOA  12:00
13
Api
Bilboko Udal Txistulari Bandarekin Kalejira. 2018ko Ttipi Ttapa    ERCILLA  11:00
13
Api
Bilbao Musika Konbo eta Big Band    INDAUTXU ESKOLA  17:00
13
Api
II Orkestrako Zuzendaritzari Buruzko Topaketen Amaierako kontzertua    BILBOKO KONTSERBATORIOA. SARRIKO  18:00
  Zuzendaritza José Rafael Pascual Vilaplana
  Gonbidatua(k):  Jan van der Roost (Irakasle gonbidatua)
  Musika-lanak: A.Ponchielli, J.V.Egea, L.Bernstein, J.van der Roost
OHARRAK
Johan de Meij musikagile holandarra irakasle gonbidatu moduan eduki genuen ORKESTRA ZUZENDARITZAKO I. TOPAKETAREN aurreneko deialdiak izandako arrakastaren ostean, proiektu honen bigarren edizioaren amaierako kontzertua eskainiko dugu. Proiektu honetan, zenbait zuzendari gazte lanean aritu dira aste honetan Bilboko Udalaren Bandarekin. Gaur, gainera, gure bandako irakasleek maisuetako bat aukeratuko dute zuzendari gonbidatua izan dadin 2018-2019ko Kontzertuen Denboraldian.
Gaurko programan bandarako XIX. mendeko errepertorio klasiko batekin hasiko gara. Amilcare Ponchielli Cremonako Udalaren Bandaren zuzendaria eta ballet eta opera-egile entzutetsua izan zen. Haren bandarako produkzioan ehundik gora obra sartzen dira; aipagarrienetakoa Sinfonia per banda, partitura heldua, haize-instrumentuen lirikotasunez eta birtuosismoz betetako obertura klasikoa. Ondoren, Variaciones “Agur Jaunak”, Altsasuko Bandako kide baten oroigarriz idatzitako obra, Euskal herri-kanta ezagunetik abiatuta autorearen sormenerako ofizioa agerian uzten duena. Konpositorea J. Vicent Egea da, La Pamplonesa Bandako titularra ez ezik, gaur egungo autorerik emankorrenetakoa ere badena, bere-berea duen nortasun handiko estiloduna. Leonard Bernstein iparramerikar konpositore, piano-jotzaile, zuzendari eta irakaslearen jaiotzaren I. mendeurrenean, omenalditxoa eskaini gura izan diogu kontzertu honetan haren West Side Story musikal ezaguneko dantzei buruzko suitea interpretatuta. Bernsteinen maisutasun artistikoak gora egiten du eklektizismo estilistikoa beteriko musika programatiko honetan.
ORKESTRA ZUZENDARITZAKO II. TOPAKETA honetako maisu gonbidatua den Jan van der Roost-en hiru obra joko ditugu. Estreinakoa, Flashing Winds, dagoeneko klasikoa da XX. mendeko azken urteetako banden errepertorioan. Obertura kartsu honek bandaren soinu eta erritmo-ahalmen osoa garatzen du. Bere oraintsuko produkziotik Yokohama Festival Overture joko dugu. Obra hau, Yokohama Art Festival-en enkarguz idatzia eta, melodiaren aldetik, “Yokohama” (CGCGBAEA) berbatik sortzen diren zenbait notatan oinarritua da. Amaitzeko, Kébek izeneko rapsodia boreala, Quebec hiriaren indiar izena da, hain zuzen ere. Partitura Charlesbourg-eko (Kanada) Orchestre d’Harmonie-ren enkargua izan zen eta bertan lau urtaroak azaltzen dira euren paisaien soinu-deskribapenaren bidez: udagoieneko artzain-musika, negu lirikoa, ustekabeko udaberria St. Lawrence ibaiaren bazterretan eta azken udaren dirdira dinamikoa.
José R. Pascual-Vilaplana
17
Api
Musika eta Dantza Tradizionaleko Didaktikoa    DEUSTUKO IKASTOLA  10:00
17
Api
Musika Taldeen Kontzertua    CAMPOS ELISEOS ANTZOKIA  19:00
18
Api
Sinfoniko sailaren Kontzertu Didaktikoa    CAMPOS ELISEOS ANTZOKIA  09:30
18
Api
Sinfoniko sailaren Kontzertu Didaktikoa    CAMPOS ELISEOS ANTZOKIA  11:00
18
Api
Musika Taldeen Kontzertua. BERTAN BEHERA UTZI    CAMPOS ELISEOS ANTZOKIA  19:00
18
Api
Protokoloa: IN FOCUS jardunaldietan parte-hartzaileei harrera    ARABIAR ARETOA  19:00
18
Api
Zer ikasten duzu ikasten ari zarenean?    BILBAO MUSIKAKO LIBURUTEGIA  19:30
20
Api
Bilboko Udal Txistulari Bandarekin Kalejira. 2018ko Ttipi Ttapa    DIPUTAZIOA  11:00
20
Api
BilbaoMusika eta Santurtziko Musika Eskolako abesbatzen kontzertua    ITSASOKO AMA ELIZA MAMARIGA. SANTURTZI  20:00
21
Api
Gazte abesbatzaren kontzertua    BBK ARETOA  19:30
24
Api
Gitarra Ikasleen Kontzertua / Audizioa    LA GALERA. AUDITORIOA  18.30
25
Api
Gitarra Kontzertua / Audizioa    LA GALERA. AUDITORIOA  19:45
26
Api
Jam Session    HIKA ATENEO  19:30
27
Api
Bilboko Udal Musika Bandaren Kontzertua. Batzen gaituen haizea    BILBOKO KONTSERBATORIOA. SARRIKO  18:30
  Zuzendaritza José Rafael Pascual Vilaplana
  Gonbidatua(k): Javier Alonso, Perkusioa
  BANDARAKO MUSIKA HISTORIKOA II ETA ESTRENALDI BAT
J. C. Arriaga Kontserbatorioko Ikasleekin kontzertua
Musika-lanak: O.Respighi, G.Holst, E. Elgar, J.P.Sousa, G. Lauzurika* * Estrenaldia
OHARRAK
1932ko apirilaren 17an Amerikako Banda zuzendarien Elkarteak (ABA, American Bandmasters Association) urteko biltzarra egin zuen Washingtonen. Ekitaldi horretarako, Edwin Franko Goldman (1878-1956) maisu ospetsuak Europako egileen hiru lan handiren estreinaldia antolatu zuen. Kontzertu honetan musikaren urrezko une hura berriro gogora ekarriko dugu, bandarako musika originalerako oparotasun handiko etorkizuna aurreikusten baitzuen. Sasoi hura gogoratuta prestatu dugu kontzertu hau; gainera, estreinaldi bat izango dugu.
Kontzertua Estatu Batuetako John Philip Sousa (1854-1932) konposatzaile eta zuzendari entzutetsuaren martxa batekin hasiko da. 1932ko martxoaren 6an hil zen, Washingtoneko aipatutako kontzertuaren aste batzuk lehenago, eta maisuaren oroimenez egin zen hura. Hands Across the Sea Sousa Band-ek (bandako musika sustatzeko maisuak fundatu zuen taldeak) estreinatu zuen 1899ko apirilaren 21ean Philadelphia’s Academy of Music eskolan. Espainia eta Estatu Batuen arteko 1898ko Gerrako gertaera batean oinarritzen omen da musika hau. Antza denez, Britainiar armadako Chichester kapitaina Dewey almiranteari laguntzera joan zen. Jarraian estreinaldi bat izango dugu: Miranda de Ebroko Sergio Gutiérrez Rodríguez konposatzailearen Cantico Canticorum lana, multiperkusio eta bandarako. Lan hori Jabier Alonso perkusionista bakarlari euskaldunak eskatu du eta berak estreinatuko du. Bibliako Kantarik Ederrena atalean oinarritzen da, perkusioko multzoko tinbrikaren (bibrafonoa, lira, triangelua, hodi-kanpaiak eta krotaloak) eta bandaren arteko maitasun abesti baten modura.
Aipatutako 1932ko kontzertuan, Europako konpositore batek bertan lan bat estreinatzeko gonbidapenari uko egin zion. Edward Elgar (1857-1932) izan zen. Gaur, absentzia hura konpontzeko, Enigma Variations (1899) misteriotsuen bederatzigarren mugimenduaren transkripzio bat interpretatuko dugu. Nimrod izena dauka Noeren birbilobaren omenez, Genesiaren liburuaren arabera Babelgo dorrea sortu baitzuen. Amaitzeko, ABAk Washingtonen egindako biltzarrean estreinatu ziren lan bi joko ditugu. 1930ean, Erresuma Batuko Gustav Holst maisuak Hammersmith, Prelude and Scherzo ospetsua idatzi zuen BBC Military Bandaren enkarguz. Partitura hori, programatikoa izan barik, Londreseko Hammersmith barrutian inspiratzen da, konposatzailearen pasealdien, elkarrizketen eta bizipenen lekua. Eta Ottorino Respighi maisu italiarrak ordurako idatzi zuen enkarguarekin bukatuko dugu. Egileak Huntingtower gaztelura egin zuen bisitan oinarritzen da partituraren izena. XV. mendeko gotorleku hori Eskoziako Perth hirian dago eta Ruthven familiako klanak eraiki zuen. Lanaren atalak hiru gai eskoziarren gainean idatzi ziren eta gazteluaren geletatik dabilen Lady Greensleaves-en mamuaren elezaharra kontatzen dute.
Kontzertu honekin “Batzen gaituen haizea” izeneko denboraldia bukatuko dugu. Banden historiaren zati bat aztertu dugu errepertorio originalaren bidez eta gizartearen kohesiorako ikur modura erabili ziren une historikoen bidez.
José R. Pascual-Vilaplana